Patagonia: Life on the Edge of the World

Leggjum í langferð frá rótum Patagónsku Andesfjallanna, þar sem púmur eltast við bráð sína á grasi vöxnum sléttunum, en halda svo upp í svimandi hæðir Andesfjallanna, þar sem finna má þriðju stærstu ísbreiðu heimsins.

Ævafornir skógar Patagóníu eru töfraheimar og þar leynast furðuverur sem eiga margar hverjar ekkert annað búsetusvæði á Jörðinni. Þetta er könnunarferð um tímalausa skóga sem hafa að geyma ómetanlega fjársjóði.

Meðfram Kyrrahafsströnd Patagóníu eru djúpir firðir. Þessir dalir mynduðust á árþúsunda tímabili þegar ísinn mótaði landið í árdaga. Yfir sumartímann fyllist hafið næringu og þá sækja þangað fjölmörg dýr sem geta ógnað náttúrulegu jafnvægi fjarðanna.

Ferðalag meðfram Atlantshafsströnd Patagóníu, þar sem landslagið er hrjóstrugt en hafið iðar af lífi. Í þessari villtu og óvægnu náttúru hætta háhyrningar öllu til að lifa af og tröllvaxnir selabrimlar berjast upp á líf og dauða til að maka sig.

Við förum til syðsta hluta Patagóníu, en hvergi annars staðar á Jörðinni verður komist nær Suðurskautslandinu en þar. Þetta er land gífurlegra andstæðna, þar sem vindhraði fer yfir 160 km á klukkustund og risaöldur skella á strandlengjunni.